Parkentda "Somsa sayli" boʻlib oʻtmoqda
E’lon qilingan sana: · 275
Parkent tumanining Zarkent qishlog‘ida bahoriy taomlar festivali — “Somsa sayli” oʻtkazilmoqda. Bu haqda “Uzbekistan Travel” xabar bermoqda.
Tadbir 20-aprel kuni boshlanib, 20-mayga qadar davom etadi, sayilda somsaning turli xillari hamda sumalak va halim kabi milliy taomlar tortiq etiladi.
Ta’kidlanishicha, mashhur xonandalarning konsert dasturlari ham namoyish etilishi rejalashtirilgan. Shuningdek, sayilda bolajonlar uchun turli attraksionlar ham o‘rnatilgan. Dastur davomida dorbozlar tomonidan hayajonli dor o‘yinlari ham namoyish etilishi kutilmoqda.